యోగ ఆరోగ్య సంజీవని

శరీర మనసుల బంధం యోగం
నిత్యం చేస్తే తీరును రోగం
ప్రాణాయామపు శ్వాసల వేగం
అందించునులే కొండంత బలం

ఆసనములతో కాయముకరుగును
ఆందోళనలన్నీ దూరం జరుగును
శ్వాసపై ధ్యాసతో మనో స్థిరత్వం
సిద్ధించును

ధ్యానం మెదడుకు చోదక శక్తి
జ్ఞాపక శక్తి సామర్థ్యాలు
ఉత్తేజితమై నిర్మలత్వం
నిర్మాణమై చైతన్యం జనిస్తుంది
ఆరోగ్యపు బాటలోముందుకు
సాగుదాం ఆరోగ్యభారత్ ను
నిర్మిద్దాం

నిత్య సూర్యనమస్కారాల
సాధన తోడుగా
ఆలస్యం వదిలి సాగాలి
యోగాలో ముందుగా
రక్త ప్రసరణ సాగును చక్కగా
కండరాలన్నీ కదులును మెత్తగా

నరముల బలహీనత తగ్గును
నిశ్చలతత్వం చెంతకు చేరును
ఆయుషును పెంచే అమృత
యోగం శరీర ఆకృతికి
ఆనందాన్నిచే అద్భుత మార్గం

యోగ ధ్యానంతోఒత్తిడి
మాయం మనోల్లాసం
వికసిస్తుంది

యోగ సాధనతో శరీర
మానసిక ఉత్సాహం
ఉల్లాసం ఉరకలు వేస్తుంది

ఉదయం యోగ జగతికి
అమృత కావ్యం కావాలి
ప్రతిఇంటా యోగా ధ్యానం
నిత్య కృత్యం కావాలి

2026 అంతర్జాతీయ
యోగ దినోత్సవం థీమ్
ఆరోగ్యకరమైన వృద్ధాప్యం
కోసం యోగా
వయసుపై బడిన లొంగని
ధీరత్వం అందించును
మనకు యోగామృతం
ఆరోగ్యకరమైన వృద్ధాప్యమే
ఈ ఏటి నినాదం
నిత్య సాధనతో లభించును
నవయవ్వన ఉత్తేజం
రోగాల మందులకై వెతుకద్దు
నిత్య యోగయేఆరోగ్య సంజీవని

జూన్ ఇరవైఒక్కటవ తేదీన
ప్రపంచమంతా ఒక్కటైనవేళ
అంతర్జాతీయ యోగా దినోత్సవం
మన భారతీయ సంస్కృతి
వైభవాన్ని వసుధైక కుటుంబకం
భావాన్ని విశ్వ వ్యాప్తంచేద్దాం

విశ్వమంతా యోగ నినాదం
జీవన విధానమై అందించును
మానవాళికి ఆరోగ్యం
జాతి మతబేధాలన్నీ మరిచి
సాగుదాం యోగ బాటలో
అందరికి ఆరోగ్యం అందించే
యోగ ధ్యానమే జీవనశైలిగా
ముందుకు సాగుదాం
యోగ ధ్యాన యజ్ఞంలో
భాగస్వాములమై
ఆరోగ్య భారత్ ను
ఆవిష్కరిద్ధాం.

నేదునూరి కనకయ్య
అత్తాపూర్ యోగ సెంటర్
అడ్వైసర్
హైదరాబాద్
9440245771