వీలునామా రాస్తే సరిపోదు.. ఈ పత్రాలు లేకపోతే ఆస్తి దక్కదు!

ఆర్థిక ఆస్తుల సమగ్ర జాబితా: ఎక్కడ ఏముందో స్పష్టత! విల్లు పత్రాల పక్కనే ఉంచాల్సిన అత్యంత కీలకమైన పత్రం.. మీ ఆర్థిక ఆస్తుల పూర్తి జాబితా. ప్రతి పెట్టుబడి విలువను నమోదు చేయాల్సిన అవసరం లేదు కానీ, మీ డబ్బు ఎక్కడెక్కడ ఉందో స్పష్టంగా రాయాలి.
బ్యాంక్ ఖాతాలు, ఫిక్స్‌డ్ డిపాజిట్లు మ్యూచువల్ ఫండ్స్, షేర్లు పబ్లిక్ ప్రావిడెంట్ ఫండ్ (PPF), ఈపీఎఫ్ (EPF), నేషనల్ పెన్షన్ సిస్టమ్ (NPS) ఖాతాలు ప్రతి అకౌంట్ నంబర్, ఆయా సంస్థల పేర్లతో తయారుచేసిన ఒక సాధారణ జాబితాను విల్లుతో ఉంచాలి. ఏదైనా కొత్త ఖాతా తెరిచినా లేదా ఉన్న ఖాతా మూసివేసినా ఈ లిస్టును ఎప్పటికప్పుడు అప్‌డేట్ చేస్తుండాలి.
ఇన్సూరెన్స్, ఆస్తి రికార్డులు: క్లెయిమ్‌లు సులభం కావడానికి! విల్లు ఉన్నప్పటికీ, ఇన్సూరెన్స్ వివరాలు తెలియక అనేక కుటుంబాలు క్లెయిమ్ చేసుకోలేక తీవ్ర ఇబ్బందులు పడుతుంటాయి. లైఫ్, హెల్త్, పర్సనల్ యాక్సిడెంట్ పాలసీల కాపీలు లేదా వాటి నంబర్లు, ఒరిజినల్ పత్రాలు ఎక్కడ దాచారో రాసిన వివరాలను ఈ ఫైల్‌లో ఉంచాలి.
అలాగే మీ పేరిట ఉన్న స్థిరాస్తులకు సంబంధించిన సేల్ డీడ్లు, అలాట్‌మెంట్ లెటర్లు, ఆస్తి పన్ను రసీదుల కాపీలను జత చేయాలి. ఇవి భవిష్యత్తులో వారసులకు ఆస్తి సంక్రమించే క్రమంలో ఎదురయ్యే చట్టపరమైన చిక్కులను నివారిస్తాయి. Also Read తెల్ల కాగితంపై రాసిన వీలునామా చెల్లుతుందా? చట్టం ఏం చెబుతోంది? నామినేషన్ వివరాలు & సలహాదారుల సమాచారం బ్యాంక్ ఖాతాలు, డీమ్యాట్ అకౌంట్లు, ఇన్సూరెన్స్ పాలసీలలో నామినీగా ఎవరి పేరు ఉందో స్పష్టమైన రికార్డు ఉంచడం వల్ల క్లెయిమ్ ప్రక్రియ వేగవంతమవుతుంది. దీనితో పాటు మీరు తరచుగా సంప్రదించే ఛార్టర్డ్ అకౌంటెంట్, న్యాయవాది లేదా ఫైనాన్షియల్ అడ్వైజర్ల పేర్లు, వారి ఫోన్ నంబర్లు రాసి ఉంచడం వల్ల మీ కుటుంబ సభ్యులకు అత్యవసర సమయంలో సరైన మార్గదర్శకత్వం లభిస్తుంది. You may also like వాస్తు ప్రకారం.. ఇంట్లో మూడు బర్నర్లు ఉన్న గ్యాస్ స్టవ్ వాడవచ్చా? డిజిటల్ సమాచారం: భద్రత విషయంలో జాగ్రత్తలు! అనేకమంది చేసే పెద్ద పొరపాటు ఏంటంటే.. బ్యాంకింగ్ పాస్‌వర్డ్‌లు, ఏటీఎం పిన్ నంబర్లు, యూపీఐ పిన్‌లను విల్లు పత్రాలపై రాసి ఉంచడం. ఇది భద్రతాపరంగా చాలా ప్రమాదకరం. పిన్ నంబర్లను నేరుగా రాయకుండా, మీ డిజిటల్ ఆస్తులను ఎలా పొందాలో మీ నమ్మకస్తుడైన ఎగ్జిక్యూటర్‌కు లేదా కుటుంబ సభ్యునికి వేరుగా, సురక్షితమైన రీతిలో వివరించాలి. అలాగే అసలు విల్లు, ఈ సపోర్టింగ్ డాక్యుమెంట్లు ఏ రహస్య ప్రదేశంలో భద్రపరిచారో కనీసం ఒక్క కుటుంబ సభ్యునికైనా ముందే తెలియజేయాలి.