మనిషి బతుకు కుదేలు

ఉరుకుల పరుగుల హైటెక్
యుగంలో శాస్త్ర సాంకేతికత
పరుగులు పెడుతున్నప్పటికీ
నాలుగు గోడల నడుమ
మనిషి బ్రతుకు కుదేలైంది

మనుషుల మధ్య మాటలు
తగ్గిపోయాయి ఈర్ష్య ద్వేషాలు
చెలరేగుతున్నాయి
హత్యలు ఆత్మహత్యలు
సమాజాన్ని శాసిస్తున్నాయి

ఫోన్ల లోకంలో బంధాలన్నీ మాయమవుతున్నాయి
ఒంటరితనంతో మనుసులు
గాయపడుతున్నాయి

ఫేస్బుక్ లైకుల్లో నిజమైన
సంతోషం దొరకదు
నలుగురితో కలిస్తేనే మానసిక
ప్రశాంతత లభిస్తుంది
కష్టసుఖాలు పంచుకునే
వేదికలు మనకు కావాలి
కలిసినవ్వే రోజులు మళ్లీ
తిరిగి రావాలి

చదువుతోనే ‌విద్యా విజ్ఞానం
వికసించాలి చదువుతోనే అజ్ఞాన
చీకట్లను తరిమికొడదాం
విజ్ఞాన వెలుగులతో దేశ
ప్రగతిని పెంచుదాం

పిల్లలు పనిలో కాదు బడిలో
ఉండాలి భావి భారత పౌరులుగా
ఎదగడం బాలల హక్కు కావాలి
విద్యాహక్కులతో ఉచిత విద్య
అందించాలి బాలకార్మిక రహిత
సమాజాన్ని నిర్మించాలి

ప్రతి బిడ్డను బడిబాట పట్టిద్దాం.
ప్రతి బిడ్డను సంస్కారవంతమైన
పౌరులను తీర్చిదిద్దుదాం

పచ్చని ప్రకృతి మనకు
ప్రాణాధారం పర్యావరణాన్ని
కాపాడడం మన కర్తవ్యం కావాలి
మొక్కలు నాటుదాం ప్రతి ఇంట
కాలుష్య మహమ్మారిని
అరికడుదాం

హింస లేని నవ సమాజాన్ని
నిర్మిద్దాం కల్మషాలు వీడి అందరూ
ఒకటిగా కలుద్దాం కలహాలు లేని
మంచి సమాజాన్ని నిర్మిద్దాం.

ఎవరు ఎక్కువ ఎవరు తక్కువ
కాదు ఐక్యతను మించిన బలం
ఇంకొకటి లేదు కలిసికట్టుగా
సాగితే విజయం మన
సొంతమవుతుంది

ద్వేషాన్ని గెలిచిన చోటే
మానవత్వం వికసిస్తుంది
అక్షరాల వెలుగుతో
అజ్ఞానాన్ని జయించాం
పచ్చని ప్రకృతితో
కాలుష్యాన్ని ఓడిద్దాం

ఒంటరితనాన్ని వీడి
సమాజంతో కలిసి నడుద్దాం
కన్నకలలను నవ సమాజ
నిర్మాణంతో నిజం చేసి
చూపిద్దాం.

నలుగురితో కలిసి నడిచే
అడుగే నవసమాజానికి పునాది
ఆకలయిక సాధించే విజయమే
రేపటి ప్రగతికి నాంది కావాలి
కలిసి నడుద్దాం ప్రగతిని
పురోగతిని సాధిద్దాం
వికసిత్ భారత్ లక్ష్య
సాధనకు ఉద్యమిద్దాం

నేదునూరి కనకయ్య
అధ్యక్షులు
తెలంగాణ ఫోరం
మాజీ ఎన్ ఎస్ ఎస్
ప్రోగ్రాం అధికారి
కరీంనగర్
9440245771