విశ్వసనీయ వ్యాపార సంబంధాలే ప్రపంచ ఆర్థిక వ్యవస్థకు వెన్నుముక

BRICS 2026 సమ్మిట్ వేళ ఏర్పాటు చేసిన 'BRICS బిజినెస్ ఫోరమ్'లో రష్యా అధ్యక్షుడు వ్లాదిమిర్ పుతిన్ మాట్లాడారు. ఈ సందర్భంగా ప్రపంచ ఆర్థిక వ్యవస్థలో వస్తున్న మార్పులు, వ్యాపార భాగస్వామ్యాల ప్రాధాన్యత గురించి ఆయన కీలక వ్యాఖ్యలు చేశారు.
వ్యాపార బంధాలే వెన్నుముక
పరస్పరం నమ్మకంతో కూడిన వ్యాపార సంబంధాలు, ఆర్థిక భాగస్వామ్యాలే అంతర్జాతీయ ఆర్థిక వ్యవస్థకు ప్రధాన ఆధారమని, ఇవి ప్రపంచం ఎదుర్కొంటున్న సవాళ్లను అధిగమించడానికి, దేశాల మధ్య సంబంధాలను బలోపేతం చేయడానికి దోహదపడతాయని పుతిన్ పేర్కొన్నారు.
గతంలో గ్లోబల్ ఆర్థిక వృద్ధికి నాయకత్వం వహించిన పాత శక్తుల (ఆర్థిక వ్యవస్థలు) స్థానంలోకి కొత్త ఆర్థిక యంత్రాలు వస్తున్నాయని, ఇది సహజమైన మార్పు అని ఆయన వ్యాఖ్యానించారు. ప్రపంచ జీడీపీ లో BRICS దేశాల భాగస్వామ్యం గత ఐదేళ్లలో 40 శాతానికి పైగా ఉంటే, G7 దేశాల వాటా కేవలం 29 శాతానికే పరిమితమైందని గణాంకాలతో వివరించారు