ఆందోళనల అదుపుకు యోగా అత్యుత్తమ ఔషధం

జూన్ 21న జగమంతా
యోగతో ఒక్కటౌతుంది
భారతీయ యోగ విద్యను
గుండెలకు హత్తుకుంటుంది
ప్రపంచ దేశాలు ఒకే
బాటలో నడుస్తాయి

విశ్వ మానవాళి ఆరోగ్యానికి
సాధనమైన యోగ విజ్ఞానాన్ని
అందించిన భారత్ కు
ప్రపంచ దేశాలు జోహార్లు
పలుకుతున్నాయి

ఉరుకుల పరుగుల జీవితంలో
అలసిన మనసుకు స్వాంతన
ఇచ్చే యోగ ఆరోగ్య ప్రధాతగా
పాశ్చాత్య దేశాల్లో గుర్తింపు
పొందింది

యోగా ఆందోళన సుడిగుండంలో
చిక్కుకున్న అన్ని వయసుల
వారికి ఆత్మీయ నేస్తమై
మనోప్రశాంతతకు మార్గదర్శి
అయింది

యోగతో కంగారు జీవితానికి
పలకాలి స్వస్తి యోగ సాధన
నీజీవన శైలి అవుతే మనసు
కలవరపడదు కలతలు లేని
కుటుంబాలు ఏర్పడి
మానసిక ఉద్రిక్తతలు తగ్గుతాయి

ప్రశాంతతను పెంచే యోగ
వైపు అడుగులు వేయు
శ్వాసపై ధ్యాస ఉంచి చేసే
ప్రాణాయామం మనసులోని
ఆందోళన కరిగించే అమృతం
ఆసనాల సాధనతో దేహానికి
లభించును దృఢత్వం
ధ్యానంతో చేకూరును
ఆత్మస్థైర్యం దైవత్వం

ఆలోచన సునామీని
ఆపే శక్తే యోగం
మనసును కమ్మిన
మబ్బులను తొలిగించి
మానసిక చైతన్యాన్నిపెంచే
ఆయుధం యోగాస్త్రం

మనసులో నిరంతరం ఉప్పొంగే
ఆలోచనలు ఉద్రేకాలు కోరికలు
భయాలు ద్వేషాలు అహంకారం
వాటిని అర్ధం చేసుకొని
నియంత్రించేది యోగ

యోగ కేవలం శారీరక
వ్యాయామం కాదు
వ్యక్తిని లోపలి నుండి
సంస్కరించి
సమాజంలో సమరసత
సమన్వయాన్ని పెంచే
అద్భుతమైన విజ్ఞానం

వ్యక్తిని సమాజంతో సమాజాన్ని
మానవత్వంతో మానవత్వాన్ని
విశ్వ చైతన్యంతో అనుసాధించే
మార్గం యోగ

ఒత్తిడిని తరిమికొట్టే
అత్యుత్తమ ఔషధం యోగ
అంతరంగ శాంతిని
మేల్కొలిపే సాధనం యోగ
నిత్య జీవితాన్ని నందనవనం
చేసే మంత్రం యోగ

మనిషి మనసులోని ద్వేషాన్ని
ప్రేమగా అహంకారాన్ని వినయంగా
అసూయను ఆనందంగా
భయాన్ని ధైర్యంగా మార్చగల శక్తి
యోగా సాధనలోనే ఉంది

యోగం ఒక ఆంతరంగిక శాస్త్రం
సాధారణ వ్యక్తిని అసాధారణ
వ్యక్తిగా తీర్చిదిద్దే మనో విజ్ఞానం
సమాజాలను మార్చాలంటే
ముందుగా మనసి చిత్తాలను
మార్చాలి

యోగ అలవాటైతే
రోగాలు థరి చేరవు
సూర్య నమస్కారాలతో
పొద్దున లేవాలి
శరీరంలో కొత్త శక్తిని
నింపాలి

కళ్ళు మూసి కాసేపు
ధ్యానంలో కూర్చుంటే
కష్టాలన్నీ కరిగిపోతాయి
యోగకు కులం లేదు
మతం లేదు యోగా
అందరిది
యోగ ఆరోగ్యకరమైన
సమాజాన్ని నిర్మిస్తుంది
మన దేశ యోగా ఙ్ఞానాన్ని
ప్రపంచమంతా చాటుదాం
అంతర్జాతీయ యోగా దినాన్ని
ఘనంగా జరుపుకుందాం
రోజు కొంత సమయం యోగ
కొరకు కెటాయిద్దాం
ఆందోళన రహిత జీవితంతో
ఆనందంగా జీవిద్ధాం

నేదునూరి కనకయ్య
అధ్యక్షులు తెలంగాణ
ఎకనామిక్ ఫోరం
సలహాదారులు
అత్తాపూర్ యోగ సెంటర్
హైదరాబాద్
9440245771