రానున్న మూడు గంటల్లో పిడుగులతో వర్షాలు..

విశాఖపట్నం: ఆంధ్రప్రదేశ్‌లోని పలు జిల్లాల్లో రానున్న మూడు గంటల్లో పిడుగులతో కూడిన వర్షాలు కురిసే అవకాశం ఉందని ఏపీ విపత్తు నిర్వహణ సంస్థ (APSDMA) తెలిపింది. ఈ మేరకు పలు జిల్లాలకు ఆరెంజ్‌, ఎల్లో అలర్టులు జారీ చేసింది. ఉత్తరాంధ్రలోని పలు జిల్లాలకు పిడుగుపాటు హెచ్చరికలు జారీ చేసింది ఏపీఎస్డీఎంఏ. రానున్న మూడు గంటల్లో విజయనగరం, విశాఖపట్నం, అల్లూరి సీతారామరాజు, అనకాపల్లి జిల్లాల్లో అక్కడక్కడా పిడుగులతో కూడిన మోస్తరు వర్షాలు కురిసే అవకాశం ఉందని తెలిపింది. ఈ సందర్భంగా ఆ నాలుగు జిల్లాలకు ఆరెంజ్‌ అలర్ట్‌ ప్రకటించింది.